Saturday, March 17, 2012

Selos

Pag nakita mo ang crush mo na nakikipaglandian sa isang tao, ano kaya mararamdaman mo? Isang matinding bigat sa puso mo. Parang gusto mong manuntok ng tao o di kaya yung taong mismong nakikidikit sa crush mo. Ano ba to? Yan ang selos. Importante ba to sa buhay ng tao? Parang ang pangit kasi ng pakiramdam pag nagseselos ka. Pero senyales to na mahal mo nga o may pakialam ka sa isang tao. Paano kaya pag wala tayong nararamdamang selos? May kahulugan pa kaya ang pagmamahalan? Di na siguro.

 Sa totoo lang, sobrang seloso akong tao. Konting akbay lang o di kaya may makikipag usap lang sa crush ko, kukulo na ang aking dugo at gusto ko lang makipag suntukan sa lalaki. Pero, problema lang sakin ay di ko masyadong pinapakita. Minsan, dedma lang ako sa nakikita ko. Tinatago ko lang ang damdamin ko hanggang mag kumpol kumpol lahat ng galit ko sa dibdib ko. Pag magisa na lang ako, dun ko na binubuhos lahat ng galit ko. Susuntukin ko ang kama ko, sisigaw ng malakas. Parang baliw na pwedeng ilagay sa mental hospital.

Kamakailan lamang ito nangyari sakin. Di ko naman masasabi na gusto ko yung babae pero siguro di ko lang inaamin na gusto ko siya. Pag nandyan ang babae, masaya ako. Pag may kausap ng iba, iba na ang nararamdaman ko. Nung una, sabi ko lang sa isip ko na wala lang to at namimiss ko lang ang may kasama sa buhay. Subalit hindi to ang aking naging konklusyon. Sabi ko na siguro may gusto ako sa kanya. Ayaw ko naman sabihin sa kanya dahil may iba na siyang mahal at ayaw kong masira ang meron sila pero gusto ko lang na makasama siya habang buhay. Siguro hanggang dito ko na lang pwedeng ilahag ang aking dinadamdam.

No comments:

Post a Comment